Мэдээ

"Вакцины бүтэн тун авсан бол ямар ч үед PCR өгөх шаардлагагүй"

Дархлаа судлаачдын нийгэмлэгийн тэргүүн Г.Батбаатар ЭМЯ-ны өнөөдрийн хэвлэлийн хуралд оролцон,  вакцины талаарх дараах мэдээллийг өглөө.


Тэрээр "Өнөөдөр Монгол Улсад хэрэглэж байгаа вакцинуудын аюулгүй байдал ба хамгаалах чадвар нь эмнэлзүйн туршилт, судалгааны дүнгээр баталгаажсан. Эргэлзэх зүйлгүй. Синофарм группын "Вероцелл" вакциныг 100 гаруй жил амжилттай хэрэглэж буй аргаар гарган авсан.  Иймд аюулгүй гэдэг нь батлагдсан гэсэн үг. Вакцины хоёр дахь тунг хийлгэснээс хойш долоо ба түүнээс дээш долоо хоног өнгөрсөн бол бүтэн тун хийлгэсэн гэж ойлгож болно. Covid-19-ийн эсрэг вакциныг та хийлгэснээр өөрийгөө болон эргэн тойрны хүмүүсээ вирусээс хамгаалах юм. Энэ бол найдвартай. Вакцины хоёр дахь буюу бүтэн тунгаа хийлгэсэн хүмүүс нь Covid-19-ийн шинж тэмдэггүй эсвэл хүнд, нэн хүнд хэлбэрээр өвчлөх эрсдэл нь эрс буурна. Бүтэн тунгаа хийлгэсэн хүмүүс мөн бусдад халдвар тараах эрсдэл мөн буурна.

Covid-19-ийн эсрэг ямар ч вакцин нь аюулгүй, амьд вирус агуулдаггүй учир ямар нэгэн өвчин үүсгэхгүй ба хүний удмын мэдээлэлд нөлөөлөх ямар ч үндэс байхгүй.

Мөн нийтийн дунд халдвар тархсан энэ үед бүтэн тунгаа хийлгэсэн хүн халдвар авч болно, гэхдээ богино хугацаанд халдвараа тарааж магадгүй. Өнөөдөр үүнийг хэн ч хэлж чадахгүй. Магадгүй PCR шинжилгээ хийхэд эерэг гарч болно гэхдээ энэ нь вакцин хийлгээгүй хүнээс эрс бага. Вакцины дараа эмнэлгийн тусгай заалт л  байхгүй бол эсрэг биеийн шинжилгээ тодорхойлуулах ямар ч шаардлагагүй. Хувь хүний вирусийн эсрэг дархлаа тогтсон эсэхийг хувиар илэрхийлж гаргадаггүй. Гэвч харамсалтай нь манай зарим хувийн лабораториуд хүн татах зорилгоор олныг төөрөгдүүлсэн мэдээлэл тарааж байгаа. Вакцины дараа үүссэн эсрэг биеийн агууламж нь хувь хүний онцлог шинж, вакцин тариулснаас хойш маш богино хугацаанд өөрчлөгддөг. Иймд эсрэг биеийн агууламж нь халдварыг хэр зэрэг хамгаалах чадвартай дархлаа үүссэнийг шууд утгаараа илэрхийлэхгүй. Вакцины бүтэн тун авсан бол ямар ч тохиолдолд PCR өгөх шаардлагагүй. Харин амны хаалт зүүх, хүн хоорондын зайгаа барих шаардлагатай. Яагаад бүх нийтээр богино хугацаанд дархлаажуулалтад хамрагд гээд байгаа гэвэл вакцины бүтэн тунг хийлгэсэн хүмүүс амны хаалт, хүн хоорондын зай барих шаардлагатай боловч бусад адилхан бүтэн тунгаа хийлгэсэн хүмүүстэй нэг өрөө, тасалгаанд байхдаа амны хаалт зүүхгүй, зай барихгүй байх боломжтой.

Тухайн вакцины бүтэц урагт харшилтай биш л бол бүх төрлийн харшил, системийн өвчний үед вакцин тариулахад аюулгүй.   Бүх төрлийн харшил, системийн өвчний үед вакцин тариулахад аюулгүй. Хөхүүл эх вакцин тариулах эсрэг заалт байхгүй. Хүүхдэд ямар ч нөлөөгүй.

Бидэнд вакцинаа сонгох сонголт байхгүй. Надаас хүмүүс ямар вакцин хийлгэх вэ, аль нь сайн бэ гэж их асуудаг. Таны тариулсан вакцин л хамгийн сайн гэж би хариулдаг".

Холбоотой мэдээ:

Copyrights © 2021
school84.mgl@gmail.com · 7015 0284 ·